Gullkálfurinn handan Gullinbrúar

Í nafni Guðs föður, sonar og heilags anda. Þeir í Grafarvoginum geta skellt VÍS einhvers staðar inn í þuluna sem mig minnir að sé ávalt viðhöfð við kirkjulegar athafnir. Þegar kirkjan er farin að taka þátt í styrkjakerfi stórra fyrirtækja held ég að sé fokið í flest skjól.

KR er á spena hjá Landsbankanum (þótt árangurinn sé engu betri en áður þrátt fyrir það). OR fýrar upp bombum á menningarnótt. Listasöfn farin að reka sig á styrkjum frá fjársterkum aðilum. En kirkjan. Þarna er verið að dansa í kringum gullkálfinn. Var ekki öllu sökkt á bólakaf í framhaldi af því í Sódómu og Gómorru?

Athugasemdir

[Guðmundur Örn Jónsson, 21.3.2007 kl. 23:38]

Nú ert þú eitthvað að rugla saman í biblíufræðunum. Sagan af gullkálfinum tengist eyðingu Sódómu og Gómorru ekkert.  Móses braut boðorðatöflurnar í framhaldi af dansinum í kringum gullkálfinn. Eyðing Sódómu og Gómorru tengdist drambi borgarbúa og óvildar í garð útlendinga.

Smá biblíufræðsla "on the house"

[Steingrímur Ólafsson, 22.3.2007 kl. 07:32]

Þakka þér Guðmundur fyrir að leiðrétta mig vegna þessara meinlegu rangfærslu. Eru komin tæplega 30 ár síðan ég las biblíusögurnar síðast. Veitir greinilega ekki af smá upprifjun.

[Hrafnhildur (IP-tala skráð) 23.3.2007 kl. 08:25]

En varla telst þetta smekklegt.